МУЕА-ын орлогч О.Тэнгис “Европын аюулгүй байдал, хамтын ажиллагааны байгууллага”-ын төлөөлөгчдийг хүлээн авч уулзлаа

2020-02-17

Европын аюулгүй байдал хамтын ажиллагааны байгууллагын сонгууль хариуцсан газрын орлогч дарга ноён Улви Ахундлу тэргүүтэй төлөөлөгчдийг Монгол Улсын Ерөнхий аудиторын орлогч О.Тэнгис болон бусад албаны хүмүүс хүлээж авч уулзлаа. Уулзалтын үеэр ноён Улви Ахундлу сонгуультай холбоотой хууль эрх зүйн шинэчлэлийн талаар ярилцсан бөгөөд тэрээр 2020 оны УИХ-ын сонгуулиар тус байгууллагаас ажиглагч илгээх шаардлага хэрэгцээ байгаа эсэхэд үнэлгээ хийх зорилготой Монгол улсад ирээд буй аж.

Үндэсний аудитын газар Монголын Мэргэшсэн Нягтлан Бодогчдын Институттэй хамтран ажиллана

2020-02-10

Монгол Улсын Ерөнхий аудиторын орлогч бөгөөд Тэргүүлэх аудитор О.Тэнгис Монголын Мэргэшсэн нягтлан бодогчдын институт /ММНБИ/-ийн удирдлагуудыг 2020 оны 02 дугаар сарын 06-ны өдөр Үндэсний аудитын газарт хүлээн авч уулзлаа. Уулзалтад ММНБИ-ийн гүйцэтгэх захирал Д.Нацагдорж болон дэд захирал н.Энхтүвшин, Үндэсний аудитын газрын Санхүүгийн аудитын газрын захирал Ц.Наранчимэг, аудитын менежер Л.Хонгорзул нар байлцсан юм.

ОХУ-ын Тооцооны танхимын дарга Алексей Кудрин МУЕА Д.Занданбатад захидал илгээжээ

2020-01-29

Монгол Улсын Ерөнхий аудитор ноён Д.Занданбат ОХУ-аас Монгол Улсад суугаа онц бөгөөд бүрэн эрхт Элчин сайд ноён Азизов Искандер Кубаровичыг 2020 оны 01 дүгээр сарын 28-ны өдөр Үндэсний аудитын газарт хүлээж авч уулзлаа. Уулзалтын үеэр талууд нөхөрсөг, халуун дотно яриа өрнүүлсэн бөгөөд ноён Элчин сайд Монгол Улсын Ерөнхий аудитор Д.Занданбатад ОХУ-ын Тооцооны танхимын дарга Алексей Леонидович Кудрины захидлыг гардуулж өгсөн юм. Ноён Кудрин захидалдаа ОХУ-ын Тооцооны танхимаас Монгол Улсын Үндэсний аудитын газарт газрын тос боловсруулах үйлдвэртэй холбоотой туршлага судлахад бүхий л талаар дэмжин ажиллахад бэлэн байгаа талаар дурдсан байна.

ҮНДЭСНИЙ АУДИТЫН ГАЗАР ТӨРИЙН БАЙГУУЛЛАГЫН АЖЛЫН ЗОХИОН БАЙГУУЛАЛТ, АРХИВ, АЛБАН ХЭРЭГ ХӨТЛӨЛТИЙН УЛСЫН ҮЗЛЭГЭЭР “МАШ САЙН” ГЭСЭН ҮНЭЛГЭЭГ АВЛАА

2019-12-03

Үндэсний аудитын газар нь Монгол Улсын Засгийн газрын 2019 оны 150 дугаар тогтоолын дагуу улсын хэмжээнд зохион байгуулагдаж буй “Төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэг”-т хамрагдаж, амжилттай дүгнэгдлээ.

ҮАГ-ын “Сагсан бөмбөг”-ийн аварга шалгаруулах тэмцээн болж өнгөрлөө

2019-11-20

Үндэсний аудитын газрын 2019 оны дотоод ажлын төлөвлөгөөний дагуу Санхүүгийн аудитын газраас зохион байгуулсан Үндэсний аудитын газар, Нийслэл дэх Төрийн аудитын газрын ажилтан албан хаагчдын дунд зохион байгуулагдсан “Сагсан бөмбөг”-ийн аварга шалгаруулах тэмцээн Гадаадын иргэн харьяатын газрын спорт зааланд 2019 оны 11 дүгээр сарын 16-ны өдөр амжилттай зохион байгуулагдлаа.

“Төрийн аудитын байгууллагын чадавхыг бэхжүүлэх” төслийн нээлт боллоо

2019-11-12

Монгол улсын Үндэсний аудитын газарт Азийн хөгжлийн банкны санхүүжилтээр “Төрийн аудитын байгууллагын чадавхыг бэхжүүлэх” төслийг эхлүүлэх семинар, хэлэлцүүлэг 2019 оны 11-р сарын 11-ны өдөр зохион байгуулагдлаа. Уг хэлэлцүүлэгт аймаг нийслэлийн Төрийн аудитын газрын тэргүүлэх аудиторууд болон ҮАГ, хараат бус аудитын компаниудын төлөөлөл оролцож байгаа юм. Хэлэлцүүлгийг Монгол улсын ерөнхий аудиторын орлогч С.Бүрэнбат нээсэн бөгөөд тэрээр “2019-2021 оны хооронд 3 жилийн хугацаанд хэрэгжих энэ төсөл Төрийн аудитын байгууллагын хувьд ҮАГ-ын институц бүтэц зохион байгуулалтыг олон улсын жишигт нийцүүлх, Аудит болон санхүүгийн удирдлагын цахим мастер төлөвлөгөө боловсруулж турших, аудиторуудын чадавхыг тогтвортой хөгжүүлэх институцийн зохион байгуулалтыг бүрдүүлж, үйл ажиллагааг эхлүүлэх гэсэн  3 чухал зорилтыг хэрэгжүүлж тодорхой үр дүнд хүрэхээр төлөвлөсөн” гэдгийг онцолж байсан юм.