Төрийн аудитын тухай хуулийн шинэчилсэн найруулгын төслийг өргөн барилаа

2020-03-27

Улсын Их Хурлын гишүүн Л.Энх-Амгалан, С.Бямбацогт, Д.Оюунхорол, Я.Санжмятав. Б.Чойжилсүрэн, Т.Аюурсайхан нар Төрийн аудитын тухай хуулийн шинэчилсэн найруулгын төслийг Улсын Их Хурлын дарга Г.Занданшатарт өнөөдөр (2020.03.27) өргөн барилаа. 

Аудитын дээд байгууллагын олон улсын стандартыг мэргэжлийн байгууллага хянаж баталгаажууллаа.

2020-01-14

Монгол Улсын Төрийн аудитын байгууллага 194 орны төрийн аудитын байгууллагыг эгнээндээ нэгтгэсэн Аудитын дээд байгууллагын олон улсын байгууллага (INTOSAI)-ын гишүүнээр 1996 онд элссэн. Төрийн аудитын байгууллага INTOSAI-аас гаргасан Аудитын дээд байгууллагын олон улсын стандартыг үйл ажиллагаандаа мөрддөг. Энэхүү стандартыг Үндэсний аудитын газар Стандарт, хэмжил зүйн газартай хамтран Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн шаардлагад нийцүүлэн Банк, санхүү, даатгалын стандартчиллын техникийн хорооны хурлаар хэлэлцүүлж, үндэсний стандарт болгон баталгаажууллаа.

Төрийн аудитын байгууллагын хараат бус байдал МУ-ын Үндсэн хуульд тусгагдлаа

2019-11-15

Монгол Улсын Үндсэн хуульд нэмэлт өөрчлөлт оруулах тухай хуулийн төсөл таван сарын турш тасралтгүй хэлэлцэгдсэний дүнд  2019 оны арван нэгдүгээр сарын 14-ны өдөр Улсын Их Хурлын 63 гишүүний саналаар батлагдлаа. Үндсэн хуулийн хорин тавдугаар зүйлийн 1 дэх хэсгийн 7 дахь заалтад “Төрийн санхүү, төсвийн хяналтыг хараат бусаар хэрэгжүүлэх байгууллагын бүрэн эрх, зохион байгуулалт, үйл ажиллагааны журмыг хуулиар тогтооно” хэмээн тусгагджээ.

БНСУ-ын Аудит ба хяналт шалгалтын зөвлөлийн дэргэдэх аудит ба хяналт шалгалт, судалгааны институтын удирдлагууд ҮАГ-т 2 өдөр ажиллав

2019-10-21

МУ-ын Үндэсний аудитын газарт 2019 оны аравдугаар сарын 18, 19-ны өдрүүдэд БНСУ-ын Аудит ба хяналт шалгалтын зөвлөлийн дэргэдэх аудит ба хяналт шалгалт, судалгааны институтын Ерөнхийлөгч Пак Хэжун, багийн ахлагч О Юүнсүб ажиллав. Эхний өдөр Монгол улсын ерөнхий аудиторын орлогч С.Бүрэнбат болон бусад холбогдох албан тушаалтнуудтай уулзалт хийсэн юм. Энэ үеэр Үндэсний аудитын газар нь БНСУ-ын аудит ба хяналт шалгалт, судалгааны институттэй хамтран МУ-ын Төрийн аудитын байгууллагын аудиторуудын чадавхыг сайжруулах сургалтыг зохион байгуулах талаар ярилцсан бөгөөд энэ ажлын хүрээнд санамж бичиг солилцохоор тогтсон юм.

“ТӨРД УЧРУУЛСАН ХОХИРЛЫГ НӨХӨН ТӨЛҮҮЛЭХ АРГА ЗАМ” хэлэлцүүлгийг зохион байгууллаа

2019-10-21

Авлигатай тэмцэх үндэсний хөтөлбөрт шийдвэр гаргах эрх бүхий этгээдийн шийдвэр хууль бус болох нь тогтоогдсон тохиолдолд шийдвэрийг хүчингүй болгох, гарсан сөрөг үр дагаврыг арилгах, учирсан хохирлыг буруутай албан тушаалтнаар буцаан нөхөн төлүүлэх тогтолцоог бүрдүүлэхээр тусгасан. Энэ хүрээнд 2019 оны аравдугаар сарын 21-ны өдөр “Авлигатай тэмцэх газар”, “Үндэсний аудитын газар” хамтран аймаг, нийслэлийн Засаг даргын дэргэдэх дотоод аудитын нэгжийн албан хаагчид, холбогдох яам агентлагийн асуудал хариуцсан нэгжийн удирдлагуудыг оролцуулан “Төрд учруулсан хохирлыг нөхөн төлүүлэх арга зам” сэдэвт хэлэлцүүлгийг Авлигатай тэмцэх газрын Олон нийтийн төвд зохион байгууллаа.

Канад улсын Төрийн аудитын байгууллагаас туршлага судаллаа

2019-10-16

Монгол Улсын Үндэсний аудитын газрын Тамгын газрын дарга Ц.Ганболд, Гадаад хамтын ажиллагааны менежер Д.Энхболд нарын төлөөлөгчид Канад Улсад 2019 оны аравдугаар сарын 07-оос 13-ны өдрийн хооронд ажлын айлчлал хийж, Канад улсын Ерөнхий аудиторын газар болон Онтарио мужийн Ерөнхий аудиторын газрын удирдлагуудтай уулзалт хийлээ.

АУДИТЫН ДЭЭД БАЙГУУЛЛАГУУДЫН ХАМТЫН АЖИЛЛАГААНЫ ТАЛААР ХЭЛЭЛЦЛЭЭ

2019-09-30

ОХУ-ын Москва хотноо зохион байгуулагдаж буй олон улсын аудитын дээд байгууллагуудын их хурал “ИНКОСАЙ-23” үргэлжилж байна. Их хуралд оролцож буй Монгол Улсын Ерөнхий аудитор Д.Занданбат эдгээр өдрүүдэд ОХУ-ын Тооцооны Танхимын дарга Алексей Леонидович Кудрин, БНХАУ-ын Ерөнхий аудитор хатагтай Ху Жэзун, БНСУ-ын Аудит, хяналт шалгалтын зөвлөлийн дарга Чой Жае Хёнтай албан ёсны уулзалт хийлээ. ОХУ-ын Тооцооны танхимын дарга Алексей Кудринтэй хийсэн уулзалтаар ОХУ-ын Ерөнхийлөгч Владимир Путины Монгол Улсад 9 дүгээр сард хийсэн төрийн айлчлалын дүнд Монгол Улс болон ОХУ-ын харилцаа иж бүрэн стратегийн түншлэлийн шатанд хүрснийг талууд онцолж, энэхүү түншлэлийн хүрээнд манай хоёр орны төрийн аудитын дээд байгууллагуудын хамтын ажиллагааг өргөжүүлэх, хоёр байгууллагын хэмжээнд төдийгүй ИНТОСАЙ, АСОСАЙ-н төвшинд харилцан 2 улсаа дэмжиж ажиллах боломжуудыг хэлэлцэв.